mokurs gruppebilde s

Mokurset 9.-14. juli

Mokurset 2017 er over

God mat, lite søvn og mykje dans, spel og song!

2017-08-03


dagrunn_hesjevoll_fullwidth

HELSING FRÅ DAGRUN HESJEVOLL

Hei alle  lesarar av denne sida.

Etter 26 år som tilsett og 4 år i styre så er eg no slutta i Sogn og Fjordane Folkemusikklag. Det har vore ein spanande og triveleg jobb, men no var tida for lengst komen for nye og yngre tankar. Eg er glad for at Ingrid overtek, og eg veit at ho kjem til å gjere ein kjempegod jobb for organisasjonen. Eg ynskjer ho all mogeleg lukke til i arbeidet.

Så vil eg takka dykk som eg har hatt kontakt med i så mange høve. Det har vore kjekt å vorte kjend med og samarbeida med så mange. Me møtest nok at på kappleikar og andre folkemusikktilstellingar.

TAKK FOR MEG.

Hjarteleg helsing Dagrun 

2014-10-15
spørsmål_560x300

Gløymde du noko på Mokurset 2014?

Følgjande gjenstander ligg framleis igjen etter Mokurset 2014:

1. stk høyretelefonar, svart
1. stk høyretelefonar rosa/ svart
1 stk "teppe" til felekasse, grønt
1. stk "teppe" til felekasse,raud fløyel.



 

2014-08-12
Mokurset 2014. Foto: Einar Eimhjellen

Mo 6.-11. juli 2014:

MOKURSET 2014

Mokurset 2014 er i gong. 58 ungdommar og 10 instruktørar er samla til ei veke med kurs i spel på fele, hardingfele, trekkspel og toradar. I tillegg er kursleiinga og fleire frivillege i sving under kurset.

På kurset si facebookside ligg fleire foto frå sesongen.

Takk til våre sponsorar og støttespelarar: Sogn og Fjordane fylkeskommune, Førdefestivalen, KOMP, Rff, FolkOrg, Sparebankstiftinga Sogn og Fjordane, Tine Meieriet Byrkjelo og Lerum.

2014-07-08
Foto: Marius Beck

Mokurset 6.-11. juli 2014:

MEISTERKLASSE MED SAMSPEL I FOKUS

Det er også i år tilbod om meisterklasse på Mokurset. Meisterklassa vert arrangert i samarbeid med Førdefestivalen. I år er det samspel som står i fokus. Dei vidarekomne på fele/hardingfele får skreddarsydd opplegg med saman med dei vidarekomne trekkspelarane. Instruktørane er dei aller beste: Jorunn Marie Kvernberg og Øyvind Sandum. Så meld dykk på innan 1. juni! Duoen Kvernberg/Sandum kan også opplevast fredag 4.juli  under Førdefestivalen!

2014-05-31
Silja Solvang og Maria Scheldrup Toppe

Mokurset 6.-11. juli 2014:

DANS EI HEIL VEKE

I år tilbyr Mokurset også full kursveke for dansarar. Her vil du få lære norsk folkedans på ein kreativ måte. Kurset vil fokusere på god samdans og samspelet mellom musikk og dans. Gjennom kurset vil du i tillegg lære å bruke dansen kreativt saman med andre. I tillegg til sjølve dansen vil det også bli arbeida med improvisasjonsøvingar, koreografi og korleis ein dansar på ei scene.

Instruktørar vert to unge spreke jenter frå Hordaland. Silja Solvang som vil lære dykk å danse, og Maria Toppe er med både som musikar og dansar.

2014-05-31
Foto: Ingvil Skeie Ljones

Førdefestivalen 3. juli 2014:

SONGKURS:"SO RO LITEN TULL"

Under Førdefestivalen 3. juli vert det songkurs med utgongspunkt i songtradisjonane i Sogn og Fjordane. Instruktør er ein av fylkets sine fremste songarar, Unni Løvlid. Kurset er ope for alle interesserte frå 15 år og oppover. Unni er også instruktør i song under Mokursveka. Her er nedre aldersgrense 9 år. 

2014-05-31