Mokurset, 7.-12. juli 2018

INSTRUKTØRAR 2018

Mokurset 2018 byr på nokre av dei fremste aktørane innan norsk folkemusikk. Les om årets instruktørar her.

MINI-MO
FOR BORN MELLOM 6-9 ÅR
ELIN GRYTTING OG MARI ANDREA NESS
Mini-Mo er eit dagskurs i song, spel og dans for deg mellom 6-9 år, tysdag 10. juli kl. 12.00-15.30.
 
MEISTERKLASSE - i samarbeid med Førdefestivalen
SAMSPEL MELLOM FELE OG HARDINGFELE
Rasmus Kjorstad.jpgRASMUS KJORSTAD
Rasmus har sidan ungdomsskulealder interessert seg for slåttespelet og historiene knytt til tradisjonen i Midt-Gudbrandsdalen, med Erik Bjørke som fremste læremeister. Ein personleg stil er viktig og han er alltid på leit etter nye klangar, ornament og andre detaljar som han finn særmerkt. Ambisjonen er å ha eit rått og upolert musikalsk uttrykk. Rasmus er inne i andre avdeling som folkemusikkstudent ved Norges musikkhøgskule og har hatt mellom anna Håkon Høgemo og Andreas Bjørkås som lærarar der. Han spelar i gruppa Morgonrode, som han starta saman med Helga Myhr og Selma French Bolstad. Saman med bror Hans ga han ut albumet Pusinshi Ulla i oktober 2016. Dei spelar jamleg på store festivalar og scener, anten som duo eller saman med musikarar som Anders Erik Røine, Hans Hulbækmo og Torgeir Vassvik.
 
SONG-, SPEL- OG DANSEKURS

SONG
Malin+Victoria+Alander+-+fotoKnutUtler_2sk.jpegMALIN VICTORIA ALANDER
Malin Alander er frå Sandane og starta å lære folkesong då ho var rundt 13 år. Ho har hatt Elin Grytting, Eli Storbekken og Unni Løvlid som lærerar. No går ho siste året i utøvende folkesong på Norges Musikkhøgskole der jo fordjupar seg i folkesongen frå Gloppen og Sogn og Fjordane. I 2015 var ho talent på Førdefestivalen og i 2016 var ho med på Unni Løvlid sitt bestillingsverk på Osafestivalen. I det siste har Malin jobba med forestillinga Frøken, folkesongtrioen IMOG og duoen Malin & Rasmus. På årets kurs vil du få lære blant anna bånsullar, viser, trallar og balladar. Saman vil vi jobbe grundige med songane og arrangere dei med stemmene våre. Dette blir andre gongen på Mokurset for Malin, noko ho gler seg til!
 
FELE
Arne Sølvberg_preview.jpegARNE M. SØLVBERG
Arne M. Sølvberg kjem frå Stryn, og har i mange år leia spelemannslaget Fjelljom i heimbygda Fjelli. Han er sauebonde og spelemann og har mellom anna jobba som modell for Moods of Norway. Arne har gjeve ut ei rekkje plater, og både dansa og spelt på kappleik i heile livet. Han og kona Asbjørg har drivi danseopplæring på Fjelli i 40 år, så Arne er erfaren med opplæring. I år passa mokurset inn i mellom slåttonna på Sølvberg og Arne gler seg til å komma til Mo - både for felespel og fotball!
 
 
Torfinn Hofstad_preview.jpegTORFINN HOFSTAD
Torfinn Hofstad er eIn omreisande trønder med fele på ryggen. Han er utdanna ved Norges Musikkhøgskole, og tek praktisk-pedagogisk vidareutdanning. Torfinn har brei sjangererfaring med country, rock, samtidsmusikk og klassisk i bagasjen, men folkemusikk fra Innherred og Hilmartradisjonen er hans spisskompetanse. På Mokurset vil du lære mange av Torfinn sine favorittslåttar, og jobbe med arrangering på kreative måtar! I tillegg til vals, ringlender, pols og andre kjente slåttetypar, kan det også hende du får lære ein tango eller ein blues!
 
BrittPernilleFrøholm_OE8A5726_fotoKristinStoylen.jpgBRITT PERNILLE FRØHOLM
Britt Pernille Frøholm har rukke å bli ein anerkjent musikar både nasjonalt og internasjonalt, som med sine mange kritikarroste album innan fleire sjangrar og med ulike band har turnert store delar av verda dei siste 10 åra. Hausten 2017 sleppte ho soloalbumet «Nordfjord» der ho søkte seg tilbake til røtene og heimtraktene sine. Her har ho dykka ned i musikkarven frå heile den langstrakte fjorden og leita fram både kjende og ukjende perler frå denne rikhaldige tradisjonen. Frøholm er òg aktuell med soloprosjekta "Poems for Hardanger fiddle" og "Resonance" der ho jobbar med samtidsmusikk og improvisasjon på hardingfele. 

DURSPEL/TREKKSPEL
HÅVARD IMS
Eg er Håvard Ims.jpg35 år og har spelt toradar sidan eg var 9 år gammal. Eg har flytta heim til Sandnes for 3 år sidan og bur der med familien min. I det daglege jobbar eg som fastlege.
 Då eg var ungdom var eg med på å starte folkemusikkgruppa Geitungen. Me spelte ilag i ca 15år og hadde mange konsertar og nokre turnear i både inn- og utland. Musikken var stort sett tradisjonsmusikk frå Rogaland. Eg har med Geitungen gjeve ut to plater; “Bra kast” (2005) og “Langt ute” (2010).
Generelt har eg spelt mykje med andre instrument, då spesielt felespelarar. Eg budde 7år i Bergen, då var eg aktiv dansespelmann for danselaga der. Frå 2012 til 2015, mens eg budde i Nord- Trøndelag, spelte eg i ein duo med Ingvild Blæsterdalen (fele). Akkurat for tida er eg med som musikar i danseprosjektet Bygda Dansar Rogaland som er for ungdom.
For lenge sidan har eg vunne noregsmeisterskap på durspel (NTL NM), og durspelklassa på Landskappleiken i 2007. Eg har vore instruktør i nokre toradargrupper i periodar og eg har opp gjennom åra vore kurslerar på ein del kurs. Men eg har aldri før vore på Mokurset, så det gler eg meg masse til.
 
HARDINGFELE
WEBB_3_GroMarieSvidal_foto_MartinHugne.jpgGRO MARIE SVIDAL
Gro Marie Svidal vaks opp i Jølster, og starta tidleg som elev på Mokurset. Ho har også vore lærar på kurset fleire gongar. Til dagleg reiser ho rundt og spelar konsertar for store og små på hardingfela si, underviser i folkedans, lagar danseframsyningar, konsertførestillingar og mykje anna moro. Ho byrja først å spele fele i Indre Sunnfjord Spelemannslag, så studerte ho folkemusikk ved Ole Bull akademiet og til slutt tok ho ein mastereksamen i musikkformidling ved Norges musikkhøgskule. No gleder ho seg til å kome attende til Mokurset.   
 
alexander røynstrand.jpeg
ALEXANDER RØYNSTRAND
Alexander Aga Røynstrand kjem frå Granvin i Hardanger. Han byrja å spela hardingfele med Knut Hamre som lærar i kulturskulen berre 7 år gamal. Han har delteke på ei rekkje kappleikar og arrangement sidan han var 12 år og har studert folkemusikk ved Høgskolen i Telemark og ved Ole Bull Akademiet på Voss. For tida har han sitt virke som utøvande musikar på hardingfele og tykkjer det er svært morro å få vera lærar på Mokurset.
 
 

Mathilde Skjæret.jpgMATHILDE SKJÆRET
Mathilde Skjæret kjem frå Jostedalen. Begynte å spele hardingfele når ho var 7 år, og etter det har ho delteke på ein rekke kappleikar og mokurs. Studerte musikk på Firda vidaregåande skule og studerar no på Ole Bull Akademiet på Voss. 
 
 
 
 
FOLKELEG DANS
pressebilde.jpgINGA MYHR
Inga Myhr kjem frå Trysil og har ein bachelor i utøvande tradisjonsdans frå NTNU og Ole Bull Akademiet. Ho har undervist og instruert i folkedans ved NTNU, Bygda dansar og rundt om i heile Noreg. Inga har jobba med fleire sceniske produksjonar både som dansar og koreograf, og er oppteken av dei mange variasjonane vi har i dansen som kan gi ulike uttrykk og spanande moglegheiter.
| Mer++