STØTTESPELARAR
Fylkeskappleiken 14.april 2012:
Foto frå klassa gammaldansgrupper.
I alt fire grupper deltok i klassa for gammaldansgrupper. Gruppa "Aslaks" (foto) gjekk til topps med 170 poeng. "Grannelaget " følgde på andreplass medan Naustdalen toraderlag vart nummer tre.
I dansetevlinga i vals og hamborgar/polka stilte 14 par opp i den innleiande runde. Fire par gjekk vidare til finalen. Berit og Per Kongsvoll frå Nordbygda spel- og dansarlag vann klassa føre Øygun og Johannes Kjos frå Jostedal spel- og dansarlag. Aud Sissel Orheim og Kjartan Naustadal frå Nordbygda spel- og dansarlag følgde på tredjeplass.
Dette er dei siste fotoseriane frå årets fylkeskappleik i Stryn. Stor takk til kappleiksfotograf Leif Vinsrygg!
Fylkeskappleiken 14.april 2012:
Foto frå lagspel gammaldans/runddans, runddans solo senior og junior.
12 lag deltok i klassa for lagspel runddans/gammaldans. Austrheim musikklag (foto) vann klassa med 164 poeng føre Indre Sunnfjord spelemannslag som kom på andreplass med 158 poeng. Naustedalen spelemannslag vart nummer tre.
I soloklassane for runddansmusikk gjekk Nikolai Storevik frå spelemannslaget Fjelljom til topps i juniorklassa medan Norill Terese Norheim frå Jostedalen spel- og dansarlag vann seniorklassa.
Foto av deltakarane er utlagt nedanfor.
Fylkeskappleiken 14.april 2012
Foto frå plateslepp, opning og prisutdeling
Under kveldsprogrammet var det også tid for plateslepp av den nye CDen til spelemannslaget Fjelljom "Korri korri". Petter Eide(foto) spelte i det høve ein springar som også er å finne på CDen. Ordførar Sven Flo helsa til kappleiken, og Folkemusikkprisen 2012 vart utdelt til John Oddvar Kandal. Foto frå dette er å finne nedanfor.
Fylkeskappleiken 14.april 2012:
Foto frå lagspel senior, gruppespel senior og open klasse
I alt 12 lag stilte opp i lagspel fele/hardingfele senior av desse deltok to i gjesteklassa. Årets siger i lagspel senior gjekk til Gaular spelemannslag (foto) med 124 poeng. Indre Sunnfjord spelemannslag kom på andreplass med 120 poeng medan spelemannslaget Fjelljom vart nummer tre med 116 poeng.
I gruppespel senior og open klasse var det ein deltakar i kvar klasse. Det vart dermed siger til høvesvis spelemannslaget Havella og duoen Mathilde og Norill.
Foto av samtlege deltakarar er lagt ut nedanfor.
Fylkeskappleiken 14.april 2012
Foto frå samspel junior
Den nyoppretta klassa samspel junior samla i alt ni deltakarar. Den nye klassa inkluderer alle variantar av samspel for dei under 18 år også vokal. Innslaga varierte frå store spelemannslag, til feleduoar og samspel mellom hardingfele og gitar. Vinnarar av klassa vart Nikolai og Sverre (foto) som består av Nikolai Storevik frå Spelemannslaget Fjelljom og Sverre Sandvik frå Naustedalen spelemannslag. Myklemyrjentene følgde på andreplass medan Jostedal spelemannslag vart nummer tre. Foto av samtlege deltakarar er utlagd nedanfor.