VEDTEKTER
VESTLANDSKAPPLEIKEN
Vedtekne på Vestlandskappleiken i Aurland, 12.10.1997
Revidert på leiarmøtet under Vestlandskappleiken 1999
Revidert på leiarmøtet under Vestlandskappleiken 2011
Revidert på leiarmøtet under Vestlandskappleiken 2013
INNLEIING
§ 01. Vestlandskappleiken er ein landsdelskappleik for fylka Møre og Romsdal, Sogn og Fjordane, Hordaland og Rogaland.
FØREMÅL
§ 02 Føremålet til Vestlandskappleiken er å vere ein sosial og musikalsk møtestad for deltakarar, andre utøvarar innan folkemusikk og –dans, samt andre interesserte. Gjennom ei slik samling søkjer ein å styrkje interessa for, kjennskapen til og kunnskapen om folkemusikken og -dansen i Vestlandsregionen.
TILSKIPING
§ 03 Hordaland Folkemusikklag og Sogn og Fjordane Folkemusikklag skal i samarbeid med lokal tilskipar syte for at Vestlandskappleiken blir arrangert årleg.
§ 04 Vestlandskappleiken skal skipast til annan kvart år i Sogn og Fjordane og Hordaland i hausthalvåret. Fylkeslaget i tilskiparfylket fastset dato i samarbeid med lokal tilskipar. Fylkeslaga kan gjere førespurnad til lokallag i Møre og Romsdal og Rogaland om å vere lokal tilskipar.
§ 05 Fylkeslaget i tilskiparfylket skal ha tilsyn med opplegg for og gjennomføring av Vestlandskappleiken, og skal ta avgjerd i eventuelle tvistesaker.
§ 06 Styret i fylkeslaget i tilskiparfylket skal ha fritt tilgjenge på alle arrangement i regi av Vestlandskappleiken.
§ 07 Fylkeslaget i tilskiparfylket skal tilby lokal tilskipar ein arrangørpakke som inneheld gjeldande vedtekter og føresegner, dommarskjema, kappleikskokebok, logo, rapportmal og rapport frå Vestlandskappleiken dei siste åra.
ØKONOMI OG RAPPORTERING
§ 08 Overskott/underskott skal delast slik: 15 % på Fylkeslaget i tilskiparfylket, 85 % til lokal tilskipar.
§ 09 Det skal vere eit rimeleg forhold mellom deltakaravgift og premiering, og lokal tilskipar skal følgje FolkOrg sine gjeldande retningslinjer.
§ 10 Deltakarbilletten skal gje fritt tilgjenge til alle tevlingar og dansearrangement under Vestlandskappleiken. Dette gjeld alle deltakarar.
§ 11 Enkeltutøvarar, grupper og lag kan ikkje krevje økonomisk godtgjersle for dansespel.
§ 12 Lokal tilskipar skal sende rapport og rekneskap til fylkeslaget seinast 2 månadar etter gjennomføring av Vestlandskappleiken. Rapporten skal følgje mal utarbeidd av fylkeslaga.
TEVLING
§ 14 På Vestlandskappleiken skal det tevlast i følgjande tevlingsgreiner og klasseinndelingar:
Tevlingsgrein/disiplin
|
|
Klasseinndeling
|
Spel, fele
|
Solo
|
A – B – C – D
|
Spel, hardingfele
|
Solo
|
A – B – C – D
|
Spel, andre folkemusikkinstrument
|
Solo
|
Junior og senior
|
Vokal
|
Solo
|
A – B – C – D
|
Durspel
|
Solo
|
Junior og senior
|
Gruppespel
|
2-4 utøvarar på same instrument (fele, hardingfele eller andre folkemusikkinstrument)
|
Junior og senior
|
Lagspel
|
Minimum 5 utøvarar, fele eller hardingfele skal vere berande instrument
|
Juniror og senior
|
Dans, fele
|
Pardans
|
A – B – C – D
|
Dans, hardingfele
|
Pardans
|
A – B – C – D
|
Lausdans
|
Solo
|
A – B – C – D
|
Lagdans
|
5-10 par
|
Junior og senior
|
Open klasse
|
|
|
§ 15 Lokallag som ønskjer det, kan i tillegg til dei ordinære kappleiksgreinene, setje opp tevlingar i følgjande tevlingsgreiner og klasseinndelingar:
Tevlingsgrein/disiplin
|
|
Klasseinndeling
|
Runddans, fele og hardingfele
|
Solo
|
Junior og senior
|
Runddans, durspel og trekkspel
|
Solo
|
Junior og senior
|
Runddans, andre folkemusikkinstrument
|
Solo
|
Junior og senior
|
Runddans, gruppespel
|
Min. 2 utøvarar, alle instrument
|
Junior og senior
|
Runddans, lagspel
|
Min. 5 utøvarar, fele eller hardingfele berande instrument
|
Junior og senior
|
Runddans
|
Pardans
|
|
§ 16 Tevlingane skal til ei kvar tid avviklast i samsvar med gjeldande tevlingsreglement i FolkOrg.
§ 17 Deltakarar heimehøyrande utanfor Vestlandsfylka skal stille i eigne gjesteklassar.
§ 18 Alle deltakarar på Vestlandskappleiken skal vere medlem i FolkOrg.
DØMMING
§ 19 Fylkeslaga har ansvar for å plukke ut sakkunnige fagdommarar. Det skal vere tre dommarar i kvar tevlingsgrein (spel, song og dans). Fylkeslaget i tilskiparfylket plukkar ut to dommarar til kvar tevlingsgrein, medan det andre fylkeslaget plukkar ut ein dommar til kvar tevlingsgrein.
§ 20 Dommargjerninga er å sjå som eit tillitsverv og blir ikkje godtgjort økonomisk. Lokal tilskipar skal dekkje reise og opphaldsutgifter i samsvar gjeldande satsar i Statens reiseregulativ.
PREMIERING
§ 21 Premiering skal skje i samsvar gjeldande kappleiksføresegner i FolkOrg.
§ 22 Deltakarpremie skal ikkje vere diplom.
LEIARMØTE
§ 23 I samband med Vestlandskappleiken skal det skipast til eit leiarmøte for alle medlemslaga i fylkeslaga. Det skal sendast innbyding til fylkeslaga i alle fire fylka på Vestlandet.
§ 24 Fylkeslaget i tilskiparfylket er ansvarleg for innkalling og avvikling av leiarmøtet.
§ 25 Alle medlemmer i fylkeslaga har møte- og talerett. Kvart medlemslag har rett på ein (1) utsending med framlegg- og røysterett.
§ 26 Det skal førast protokoll frå leiarmøtet.
§ 27 Fylkeslaget i tilskiparfylket har ansvar for at møteprotokollen blir utsend til FolkOrg, fylkeslaga og dei lokale medlemslaga.
UNNTAK FRÅ VEDTEKTER
§ 28 Lokal tilskipar som ønskjer å gjere unntak frå desse vedtektene, må søkje fylkeslaget i tilskiparfylket.
Vedtekter for Vestlandskappleiken i pdf-format: NYE_VK_13.pdf
FolkOrg sitt tevlingsreglement og dommarskjema: http://folkorg.no/kategori/tevling/tevlingsreglement-og-skjema/