Sogn og Fjordane Folkemusikklag disponerar i dag kr. 70.000 i TØFT-midlar. Du kan no søke om desse ved å sende epost til post@folkemusikklaget.no. Sjå meir om søknaden under.
Folkemusikklaget ønskar at det skal arrangerast TØFT-samlingar i år òg. Dette treng ikkje å vere fulle helgesamlingar slik det har vore tidlegare, men kan òg vere til dags- eller kveldskurs, konsertar, dans eller noko anna folkemusikkrelatert, alt etter kva de ynskjer og har kapasitet til å arrangere. Kriteria er at midlane skal gå til miljøskapande aktivitetar til folkedans- og folkemusikkinteressert barn og ungdom i Sogn og Fjordane i alderen 9 – 18 år.
Søknadsfristen er 18. september
Dette skal vere med i søknaden:
- Arrangør
- Søkesum
- Budsjett
- Kontonummer
- Info om arrangementet (svar på så mange de kan svare på)
- Kor mange skal vere med? Kva aldersgruppe?
- Kvar? Når?
- Korleis vert arrangementet vert gjennomført?
- Kven er evt. instruktørar?