Dordi Boksasp Lerum er aktiv utøvar innan vokal folkemusikk, og har tidlegare vunne fylkeskappleiken, vestlandskappleiken og landskappleiken i klassa Vokal C.
-Eg gler meg til å arbeide for folkemusikken og folkedansen i Sogn og Fjordane i året som kjem. Det å leggje til rette for møteplassar for folkemusikarar og folkedansarar etter koronaåret 2020 blir viktig. I tillegg håpar eg jobbe med rekruttering. Det er kult å drive med folkemusikk, seier Lerum.
-Eg er svært glad for at Dordi Boksasp Lerum har sagt ja til å vere vikar for dagleg leiar i Sogn og Fjordane folkemusikklag i 2021. Når vi no fekk behov for vikar synest eg det er fint at vi får ei ung samfunnsangasjert kvinne i denne stillinga. Rekruttering av unge er ei viktig arbeidsoppgåve i laget vårt. Det er ein ekstra bonus for oss at Dordi er folkemusikar med særskild interesse for vokal folkemusikk der ho i tillegg er ein flott utøvar. Med oppvekst i Luster kjenner ho både området og laget godt. Både styret og eg ynskjer ho hjarteleg velkommen, seier styreleiar Knut David Hustveit.
