Prosjektet har spreidd folkesong til born i kvedargruppa, samt born i barnehagar og skular i Hornindal gjennom Oline Løvlid. På Skei i Jølster har distriktsmusikarane Ole Nilssen, Britt Pernille Frøholm og Marin Stallemo Bakke, samt Ingrid Stuhaug og Egil Furenes samla unge felespelarar og hardingfelespelarar til kurs og framføring ved tre høver, inkludert under Sogn og Fjordane-kappleiken og på Skeitreffen. I Viksdal var det duka for dansekurs, danseframføring og dansefest i høve Viksdalsmarknaden i regi av Mari Andrea Ness. På Sandane arrangerte Elin Grytting kurs i folkedans i høve 100-årsmarkeringa av at spelemannen Petter Eide. I alt har omlag 167 born og unge vore innvolvert i TØFT-prosjektet.

I Hornindal har Oline Løvlid stått i spissen for lære born lokale folkesongar, folkedansar og songleikar til i alt 110 born, både gjennom kvedargruppa og gjennom besøk i barnehagar og skulen i Hornindal og omegn, der ho har lært vekk songar og songleikar. Kvedargruppa har hatt øva fram mot konsert 17. mai, samt på Hornindal skisenter og Svor-museet. Hovudtemaet var utvandrarjubileet, og songar som Emigrantvisa reflekterte dette. Elles var det òg skodespel på framsyningane om det å vere utvandrar for 200 år sidan. Med på laget hadde Oline med seg Anna Gjendem og Dordi Boksasp Lerum som medinstruktørar.

På Skei i Jølster har ei gruppe folkemusikklærarar frå heile Sogn og Fjordane beståande av Ole Nilssen, Ingrid Schei Stuhaug, Britt Pernille Frøholm, Marin Stallemo Bakke og Egil Furenes samla sine elevar til kurs og samvær med andre med felles interesse for folkemusikk. Ei gruppe var basert på vanleg fele og ei var basert på hardingfele. Den fyrste samlinga skjedde i januar på Skei skule, deretter på Grand hotel Skei i april i høve Sogn og Fjordane-kappleiken og Smørbukkappleiken. På kappleiken framførte dei det dei hadde lært på fyrste samlinga. 8. november møttest same gjengen att på Skeitreffen på same hotell, noko som det òg vart laga reportasje om på Vestlandsrevyen. 20 born og unge var med på desse samlingane.

1. mars arrangerte Elin Pehrson Grytting TØFT-kurs i samband med 100-årsmarkeringa til spelemannen Petter Eide. Det vart fyrst arrangert eit barnekurs der 6 born og 3 vaksne var med. Instruktørane var Mari Andrea Ness og Elin Pehrson Grytting. Dei dansa både musikkdansar og songleikar, langedans og halling, og alle fekk prøve seg på å «træ nåla». Dei fekk høyre og lære nokre lokale, gamle songar og høyre og danse til munnharpe. Firda Tidend kom og laga ein flott reportasje. Det var òg arrangert vaksenkurs der 8 var med, og ein av dei under 18 år. Instruktørane var Arne og Asbjørg Sølvberg, og spelekvinne Liv Fridtun. Her vart det lært vekk hamborgar, polka med støyt, reinlendar, gamaltspringar og Nordfjordspringar. Det var eit godt kurs med gode instruktørar, og tross god promotering både i avisa, til medlemmer, sosiale medlemmer og til Firda VGS, var det få ungdommar som møtte.

I høve Viksdalsmarknaden arrangerte Mari Andrea Ness TØFT-kurs i tilknytning til Gaular spelemannslag sitt 50-årsjubileum. Kurset var todelt, eit for dei opp 9 år der 19 born var med, og eit for dei over der 11 born/ungdommar var med. Instruktørane var igjen Elin Pehrson Grytting og Mari Andrea Ness, men Arngunn Timenes Bell som spelekvinne. På repertoaret var lokale songar, songleikar og fortal, samt dansar tilpassa aldersgruppene. I tillegg til desse kursa på dagtid, var dei fleste deltakarane og instruktørane med og opptrådte med song og dans på marknads- / jubileumsfesten på kveldstid, samt dansa på den påfølgjande dansefesten for alle aldrar.

TØFT har altså generert ein del aktivitet innan folkemusikk og folkedans i Sogn og Fjordane. Prosjektet har involvert både dei som har drive med folkemusikk og folkedans før og samla dei med felles interesse som er viktig, men òg dei som ikkje har særleg forhold til folkemusikk og folkedans. Prosjektet har òg aktivisert dyktige folkemusikarar og folkedansarar som instruktørar og latt dei dele av sin kunnskap. Gaular spelemannslag, Spelemannslaget Fjelljom, Hornindal spelemannslag og Folkeakademiet Aurland i gong med å planlegge TØFT-prosjektet sitt for 2026 allereie no, og vi gler oss masse til det.

Vi takkar så mykje til Gjensidigestiftelsen, Sparebankstiftinga Sogn og Fjordane, Vestland fylkeskommune og Sunnfjord kommune for å ha sponsa TØFT 2025!