Send inn forslag til Årets lokallag 2015

For utdeling av prisen for årets lokallag i 2015, ynskjer FolkOrg å leggje vekt på «formidling og synleggjering av norsk folkemusikk – og folkedans både på lokalt, regionalt, nasjonalt og til tider internasjonalt nivå». Framlegg på årets lokallag skal sendast til FolkOrg på e-post marit@folkemusikk.no innan 7.mars.

Kurs i rørospols

Nordbygda spel- og dansarlag inviterar inn til kurs i rørospols.

Årsmøte i Sogn og Fjordane Folkemusikklag

Det vert årsmøte i Sogn og Fjordane folkemusikklag søndag 22. februar kl. 1500 på Skei hotell. Sidan møtet er midt på dagen, startar vi med ein middagsrett kl. 1400. Fristen for å melde inn saker de ønskjer fremja på årsmøtet er fem veker før møtet dvs. 18. januar. Sakliste vert sendt ut innan 1. februar. Alle lokallag har rett på to utsendingar med stemmerett. Alle medlemer har møte- og talerett.

Innkalling: Årsmøteinnkalling.pdf

PÅMELDING

Det er framleis nokre ledige plassar på Mokurset. Dersom du er interessert, så
skund deg å meld deg på! Då har du ein sjanse om å få bli med. Påmeldingsskjemaet finn du her. Velkomne til Mokurset!

Landsfestivalen i gamaldansmusikk 2016

Styret i FolkOrg har vedteke at arrangørane av Landsfestivalen i gammaldansmusikk 2016, vert Jostedal spel- og dansarlag og Gamlebanken spelemannslag, med Gaupne i Luster som arrangørstad.

Helgesamling på Voss 27.-1.mars

Voss Spelemannslag skipar til helgesamling på Voss med fokus på slåttar av og etter Lars Skjervheim

AVLYST: Jubileumsfest for Petter Eide

Den planlagde jubileumsfesten for Petter Eide laurdag 7. februar må dessverre avlysast på grunn av helsa til Petter. Dette gjeld både dansen i aulaen og programmet på museet. Petter vil takke alle som har engasjert seg og alle som hadde lyst å komme og feire han, men han ønskjer helst å ikkje få noko merksemd på dagen slik formen er no.

Sigrid Moldestad si plate kåra til årets album

Sigrid Moldestads «Brevet til kjærleiken» er kåra til årets album 2014 av «Under lupen» i Norsk på norsk. Albumet var det einaste som fekk toppkarakter seks gjennom radioprogrammet sine mange plateanmeldingar i løpet av 2014.

Vi gratulerer!

Notehefte til sals

Notehefte frå Sogn og Fjordane til sals. Passar like godt som gåve til bursdag som til jul.

Kulturprisvinnar Arve Bjørn Røneid

Sogn og Fjordane Folkemusikklag gratulerer Arve Bjørn Røneid så mykje med tildelinga av Luster Kommune sin kulturpris for 2014.

"Petter han spela og fela ho let" -Spelemann Petter Eide 90 år

Måndag 9. februar 2015 fyller Petter Eide 90 år. Han har gjennom eit langt liv engasjert seg i folkemusikk og folkedans. Vi vil difor heidre han med å lage til eit jubileum på Sandane, laurdag 7. februar. Denne kvelden vert det stor dansekveld i Aulaen på Firda vgs. Spelemannslag og folkemusikkgrupper i Sogn og Fjordane er inviterte til å spele til dansen, og alle som vil kome og feire Petter Eide er velkomne. Feiringa startar tidlegare på kvelden med kulturprogram på Nordfjord Folkemuseum.

Meir informasjon kjem seinare.

Kurs med Håkon Høgemo

Tradisjonen tru arrangerer Jostedal spel- og dansarlag hardingfelekurs med Håkon Høgemo rett over nyttår. I år vert det i hovudsak fokusert på slåttar etter Lars Skjervheim, men det kan godt hende det blir høve til å lære andre godbitar også. Kurset startar fredag kl. 18.00 og held fram laurdag kl. 10.00. Det blir truleg også ei økt på søndag. Kursstad er Jostedal hotell.