1. mai sleppte trioen MAAR sitt debutalbum "Vrangsvevd". Gruppa er samansett av Britt Pernille Frøholm frå Hornindal (hardingfele/fele), Irene Tillung frå Voss (trekkspill) og Ellen Brekken frå Tynset (bass). Plata inneheld musikk i tradisjonelle former, men i en ny innpakning. Her er alt frå friske springarar til vare bruremarsjar i trioens eigne arrangement. Turneliste er lagt ut nedanfor:
Dale UL innbyr også i år til feiring av "Dansens Dag" i Dalstunet 26. april kl. 1200. Det er høve for grupper frå andre lag, skular og kommunar til å melde seg på. Meir om programmet på "Dansens dag", finn du her.
26. april kl. 20.30 innbyr Dalsfjorden Spelemannslag og Dale Ungdomslag dansekveld i Trudvang Ungdomshus i Dale. Fana Trekkspelklubb kjem også på besøk og begge laga spelar opp til dans.
Kulturrådet har tildelt trekkspelar Linda Gytri frå Oldedalen Statens Arbeidsstipend for unge nyetablerte kunstnarar. Det var godt over over 8600 søknader til Kulturrådet sine ulike støtteordningar, og av desse var det om lag 10 prosent som nådde opp. Av desse igjen var det 9 som fekk Arbeidsstipend for unge nyetablerte kunstnarar, og folkemusikar, komponist og trekkspelar Linda Gytri er ei av desse. Stipendet er på 205 000 kr pr år, og Gytri er tildelt stipend for to år.
Jostedal spel- og dansarlag er eit av dei tre nominerte laga til "Årets lokallag" i FolkOrg. Klæbu Torader- og dansarlag og Ål spel- og dansarlag er dei to andre nominerte. Prisen i år skal gå til lag som har gjort eit spesielt godt arbeid for å skape gode arenaer for dansen i møte med folkemusikken.
Elin Grytting vart under fylkeskappleiken på Sandane tildelt Folkemusikkprisen 2014 frå Sogn og Fjordane Folkemusikklag. Les grunngjevinga nedanfor.
Vi gratulerer!
Linda Gytri og Erlend Apnseth er inviterte til Murmansk for å spele på Nodic Days veka før påske. Det norske generalkonsulatet i Murmansk er arrangør av festivalen, og av andre norske artistar på plakaten finn ein blant andre Erlend Loe og Mari Boine.
Dansegruppa frå Fjelli UL vart kåra til "Årets smørbukk" då Smørbukk-kappleiken 2014 vart arrangert i samband med Fylkeskappleik på Sandane. Om lag 60 unge deltakarar frå heile fylket stilte opp med flotte innslag med song, dans og spel.
Åmot Operagard innbyr i samarbeid med Gaular spelemannslag til konsert med Berit Opheim og Erlend Apneseth fredag 11. april kl. 1900. Konserten blir eit møte mellom to musikarar som begge er sterke tradisjonsbærarar, men som også er nysgjerrige på andre uttrykk og sjangrar.
NU prosjektet "Sans for dans" er det største dansefilmprosjektet nokon sinne. Dei fem filmane hadde premiere 20. mars på Riksscena. Medverkande i filmane er mellom anna Lina Rebekka Kobberstad frå Hornindal. Filmane ligg ute på NU sin Vimeokanal her.
Det vert konsert med Erlend Apneseth i ungdomshuset "Skogstjerna"i Markane, Stryn tysdag 1. april kl. 1900. Spelemannslaget Fjelljom er arrangør for konserten. På konserten vert det flott tradisjonelt slåttespel på hardingfele og også smakebitar på improvisasjon.
Fredagskveld på Fylkeskappleiken for Sogn og Fjordane 2014 på Sandane vart det konkurrerte i solospel gammaldansmusikk, open klasse, gruppespel gammaldans og dansetevling i reinlendar og masurka. Resultat frå konkurransane finn du her:
Resultat FK2014 fredag 28.3.pdf
Fleire lag/grupper har vore i kontakt med Sogn og Fjordane folkemusikklag på grunn av problem med å skaffe seg gitaristar/bassistar til fylkeskappleiken 2014. Situasjonen har i år vorte ekstra vanskeleg på grunn av kollisjonen med DM trekkspel. Styret i Sogn og Fjordane folkemusikklag har derfor bestemt å gjere følgjande justering av regelverket i høve FK2014:
Klassane lagspel runddans og gruppespel rundddans på FK2014:
"Same utøvar får høve til å stille to gongar med det same komp-instrument i kvar av klassane."
