Linda Gytri.Foto: Jarle H. Moe

STATENS KUNSTNARSTIPEND TIL LINDA GYTRI

Kulturrådet har tildelt trekkspelar Linda Gytri frå Oldedalen Statens Arbeidsstipend for unge nyetablerte kunstnarar. Det var godt over over 8600 søknader til Kulturrådet sine ulike støtteordningar, og av desse var det om lag 10 prosent som nådde opp. Av desse igjen var det 9 som fekk Arbeidsstipend for unge nyetablerte kunstnarar, og folkemusikar, komponist og trekkspelar Linda Gytri er ei av desse. Stipendet er på 205 000 kr pr år, og Gytri er tildelt stipend for to år.

"Eg er veldig audmjuk og takksam for dette. No får eg tid og rom til å fokusere endå meir på musikken. Det gjer veldig godt å få annerkjenning for det arbeidet ein gjer, og det er stor motovasjon for å halde fram. Mottoet mitt har alltid vore "trekkspel til folket" - det blir det endå meir av no.", seier Linda Gytri i høve tildelinga.

Gytri er allereie igong med neste CD saman med sin nye norskfinske trio saman med Timo Alakotila (piano) og Anders Bitustøyl (kontrabass). Plata kjem våren 2015. Det er også ei rekkje konsertar framover, mellom anna på Draumelaget for Førdefestivalen. Men aller først held ho konsert i grendahuset Aldaheim i Olden saman med Dag Vanberg, der temaet er lokal lyrikk av Elling Vanberg.

Også Britt Pernille Frøholm vart tildelt midlar under årets tildelingar. Ho fekk 15 000 kr i støtte frå potten Diversstiped som skal vere eit bidrag til den kunstnarlege verksemda til søkjaren.