Kvarts spelar på følgjande stader i Sogn og Fjordane:
27. april kl. 20: Straumsnes i Fjaler - Sjå facebookhendinga her.
28. april kl. 20: Førdehuset (med dans etterpå!) - Sjå facebookhendinga her.
30. april kl. 19: Lærdal kulturhus - Sjå facebookhendinga her.
Gå inn på kalenderen til folkemusikklaget for å sjå meir info om arrangementa.
Med ei fartstid på nær 25 år har Kvarts halde på lenger enn noko anna norsk folkemusikkgruppe. Dei blandar, foredlar og fornyar og serverer ei utsøkt blanding av tradisjonsmusikk og eigne komposisjonar med lette innslag frå andre sjangrar. Her går mollstemningar og glade masurkaer hand i hand med leikne reinlendarar og yndige valsar. Dei fire musikarene i Kvarts er så samspelte som det går an å bli, og spelegleda tek aldri slutt.
Kvarts har gjeve ut og medverka på ei rekkje cd-produksjonar, i tillegg til å ha gjeve ut fleire singlar, dei siste åra. Den foreløpig siste produksjonen, Ved myrke midnattstid, kom ut i 2021, der Kvarts spelar saman med vokalensemblet Multa Paucis. Kunstnarleg har dei hatt mange musikalske samarbeidsprosjekt, mellom andre med Kringkastingsorkesteret, Kristiansand symfoniorkester, Trondheimsolistene, Jonas Fjeld og Eldbjørg og Ragnhild Hemsing. Kvarts har også fått to Spellemannprisar og skrive tingingsverk for Vossa Jazz, Folkemusikkveka og Rikskonsertene. Opp gjennom åra har dei medverka i ei lang rekkje radio- og TV- program, og turnerer både her til lands og internasjonalt.
Jo Asgeir Lie trekkspel
Øystein Rudi fele, hardingfele
Tom Willy Rustad kontrabass, toradar, seljefløyte, munnharpe og gitar
Erlend Styve vokal, gitar