Resultat frå Fylkeskappleiken 2013 på Skei

Med full sal var det endeleg duka for opninga av fylkeskappleiken 2013 på Skei Hotell. Det var mange flinke spelmenn og forrykandes god stemning på dansegolvet./

Det var to deltakarar i solo gammaldans runddans junior - Emil Horstad frå Naustedalen Spelemannslag, og Kine Svori frå Jostedal spel- og dansarlag. Emil Horstad vann klassen med 82 poeng. Kine Svori fekk 67 poeng.

I klassen solo gammaldans runddans senior, var det også to deltakarar. Her var det Jan A. Haugen frå Havbrusen folkemusikklag som stakk av med sigeren med 85 poeng. Bak kom Mette Carlsen frå spelemannslaget Fjelljom med 72 poeng.

I gruppespel junior var det berre gruppa Jørans frå Naustedalen Spelemannslag som deltok og vann denne klassa med 93 poeng.

I alt ti par stilte opp i runddans senior under fylkeskappleiken. Med flinke dansarar og spelmenn var det god stemning i salen. Klassa vart vunnen av Anne Lovise Dredval og Tormod Øvrebø frå Jostedal spel- og dansarlag. Bak dei kom Sigrid Gjelsvik og Gunnar Bolset frå Naustedalen spelemannslag, etterfulgt av Irene Hestevik og Leon Årdal frå Indre Sunnfjord spelemannslag.

I klasse C fele/hardingfele var det i alt tre deltakarar, og her var det Mathilde Skjeret frå Jostedal spel- og dansarlag som for av med sigeren med heile 96 poeng. Bak kom Kine Svori frå Jostedal spel- og dansarlag med 71 poeng, og på tredje plass med 68 poeng frå Skjerpehaugen, kom Ivar Vassli Brekke.

I klasse B fele/hardingfele var det heile fire deltakarar. Egil Furenes frå Havbrusen folkemusikklag, Lars Ask frå Sogn og Fjordane folkemusikklag, Antonia Karete Kongsvik frå spelemannslaget Fjelljom og Dagfrid Vallestad Brevik frå Gaular spelemannslag.

Vinnar av denne klassen, vart Dagfrid Vallestad Brevik frå Gaular spelemannslag med 113 poeng. Bak kom Egil Furenes med 103 poeng. På tredje plass kom Lars Ask med 83 poeng, og på fjerde plass kom Antonia Karete Kongsvik med 70 poeng.

I gruppespel junior, var det to grupper som deltok - Myklemyrjentene og Tufsene. Her var det Myklemyrjentene som scora høgast, med 91 poeng. Tufsene fekk 61 poeng.

Hilda Sofie Taklo frå Sogn og Fjordane musikklag og Kine Svori frå Jostedal spel- og dansarlag var deltakarane i denne klassa. Vinnaren blei Kine Svori med 93 poeng. 3 poeng bak, kom Hilda Sofie Taklo.

I klasse A, hadde vi Kari Malmanger frå Jostedal spel- og dansarlag som deltok, og Oddvar Vassliås i klasse A frå Havbrusen folkemusikklag. Kari Malmanger vann sin klasse med 122 poeng, og ho fekk også vandrarpremien. Oddvar Vassliås vann sin klasse med 90 poeng.

I spel fele/hardingfele klasse A, finner vi Arne Sølvberg frå Spelmannslaget Fjelljom, Sigmund Eikås frå Indre Sunnfjord spelemannslag, Synnøve Bjørset frå Indre Sunnfjord spelemannslag og Vidar Underseth. Arne Sølvberg stilte både med fele og hardingfele.

På fjerde og femte plass kom Arne Sølvberg med 102(fele) og 106 poeng(hardingfele). Vidar Underseth spelte hardingfele og kom på tredje plass med 108 poeng. Sigmund Eikås(hardingfele) kom på andre plass med 116 poeng, og på toppen finn vi Synnøve Bjørset som vinn denne klassen tredje gong på rad, og får dermed vandrarpremien til odel og eige. Ho vann med heile 123 poeng. Vi gratulerer.

Geir Helge Sunde frå Fjellklang spelemannslag var einaste deltakar i klassen og vann dermed med 91 poeng.

Det var heile ni par som var påmelde til bygdedans senior på laurdagen, og dei var delte opp i A-D klassar. I D-klassen var det Magnus Hope med følgje Iselin Eikås som vann med 78 poeng. På første plass i C-klassen finn vi Målfrid Roset og Hallvard Sindre Syversbråten med 72 poeng, etterfulgt av Edit Hilde og Elling Sindre Syversbråten med 70 poeng. Begge para er frå Fjelljom spelemannslag.

I klasse B var det svært tett mellom poengsummane. Det var kun to poeng som skilte første og tredjeplassen. På første plass i klassen finn vi Hilde Bjørkum og Kristen Friis frå Indre Sunnfjord spelemannslag/Naustedalen spml. med 86 poeng. Like bak på andre plass finn vi Irene Hestvik og Leon Årdal frå Indre Sunnfjord spelmannslag med 85 poeng. Med 84 poeng, finn vi Ingunn og Hallgrim Skjerdal frå Sogn spel- og dansarlag.

I klasse A finn vi Eva og Trygve Hauge frå Indre Sunnfjord/Naustedalen spelemannslag på andre plass med 80 poeng. På første plass og med høgast poengsum av alle para som var påmelde, finn vi Leikny Aasen og Vidar Underseth frå Sogn og Fjordane folkemusikklag med 89 poeng. Leikny og Vidar vinn også vandrarpremien i dans. Vi gratulerer.

I lagdans senior var det fire deltakande lag, og dei blei rangert i følgande rekkjefølge: 1. plass: Indre Sunnfjord spelemannslag med 79 poeng. 2. plass: Sogn spel- og dansarlag med 78 poeng. 3. plass: Nordbygda spel- og dansarlag med 69 poeng. 4. plass: Spelemannslaget Fjelljom med 68 poeng.

I klassa lagspel fele/hardingfele runddans var det sju lag som deltok. Fjellklang spelemannslag gjekk av med sigeren med heile 116 poeng, etterfulgt av Indre Sunnfjord spelemannslag med 108 poeng. På tredje plass finn vi spelemannslaget Fjelljom med 93 poeng.

I klassa bygdedans gjekk Indre Sunnfjord spelemannslag av med sigeren med 103 poeng. Rett bak kom Gaular spelemannslag med 102 poeng, og på tredje plass finn vi spelemannslaget Fjelljom med 99 poeng.